Besa Famgas me lehtësi mposhti Dritën në Gjilan

Gjilan – Kryendeshja e Javës së 6 në Superligën e Kosovës në hendboll me plot meritë i ka takuar hendbollistëve dhe kampionit të padiskutueshëm Besa Famgas nga Peja me rezultat 22-35 (10-18).

Derbi i shumë pritur në mes dy skuadrave të cilat në 5 javët e kaluara nuk kan pësuar humbje së bashku me Kastriotin e Ferizait ka bërë që në Palestrën Sportive “Bashkim Selishta-Petriti”, në Gjilan ti mbledhë afro 2,000 mijë shikues të cilët në fund u ndan të zhgënjyer me humbjen e skuadrës së tyre.

Hendbollistët nga Peja edhe njëherë dëshmuan se me plot mërit do të mbajnë edhe më tutje pozitën e parë dhe do ta ketë fjalën kryesore për titull të kampionit

Hendbollistët e Dritës vetëm në fillim të ndeshjes ishin të barabartë me kundërshtarin nga Peja, mysafirët të prirur nga Drilon Tahirukaj e Ante Kukrina ishin enigmë
e pazgjidhur për hendbollistët e Dritës duke përfunduar pjesën e parë me rezultat 10-18.

Edhe në pjesën e dytë hendbollistët nga Peja treguan lojë të pjekur e me kundërsulme të shpejta arrin ta shpartallojnë plotësisht lojën e hendbollistëve të Dritës duke
përfunduar ndeshjen me rezultat 22-35.

Në radhët e Dritës më i dalluar ishte Gëzim Misini dhe portieri Arbër Sylejmani.

Kapiteni i “bardhe e kaltërve”, të Dritës Arbër Sylejmani pas ndeshjes deklaroi,”Lirisht mund të them sonte nuk ishte nata e jonë në të gjitha elementet dështuam
u djegëm për t`i mposhtur kampionët dhe kjo na u hakmor nuk funksionoi asgjë më vjen shumë keq që e zhgënjyem publikun tonë por do të kemi rast në ndeshjet e radhës t`i gëzohemi fitores”.

Pas 6 javëve tabelën e kryeson Kastrioti dhe Besa Famgas me nga 12 pikë ndërsa Drita zë pozitën e tret me 10 pikë. Në javën e 7 Drita takohet në Skenderaj me Drenicën./rajonipress/