BERZH konfirmon mbështetjen ndaj Gjilanit për impiantin dhe projektet tjera
RajoniPress
15:45, 18 Dhjetor, 2018
Gjilan – Banka Europiane për Rindërtim dhe Zhvillim (BERZH) ka konfirmuar sot mbështetjen ndaj Komunës së Gjilanit për ndërtimin e impiantit për trajtimin e ujërave të zeza dhe për projektet tjera.
Konfirmimi ka ardhur në takimin e zhvilluar mes kryetarit të Komunës së Gjilanit, Lutfi Haziri dhe Neil Taylor, shef i zyrës së BERZH në Kosovë.
Në takim u tha se projektet për të cilat kërkohen mbështetje do të ndikojnë në përmirësimin dhe modernizimin e infrastrukturës publike, duke e bërë komunën një vend atraktiv për tërheqje të investitorëve vendorë dhe të huaj./rajonipress/
