Bersant Celina, një profesionist i vërtetë

Celina dalëngadalë po shndërrohet në një lojtar shumë të rëndësishëm për Kosovë.

Talenti 22-vjeçar, që aktivizohet në Angli në Championship te Swansea City – ishte titullar të premten mbrëma në barazimin 1-1 të Kosovës me Malin e Zi, raporton Gazeta Express.

Ai u mundua në të gjitha mënyrat për aq sa ishte në fushë që të lë gjurmë, por thjesht nuk ishte nata e tij.

Kështu, duke parë rezultatin 1-1, Bernard Challandes kërkoi këmbë të freskëta dhe vendosi ta largojë Celinën nga loja në minutën e 78’, duke inkuadruar Elbasan Rashanin.

I zemëruar ndoshta me paraqitjen e tij, Celina për asnjë moment nuk u ul në stol pas daljes nga loja.

Gjatë gjithë kohës ai bënte nxehje muskulore, ushtrime nga më të ndryshmet, pasi dëshiron që të jetë edhe më i përgatitur për ndeshjen e së hënës kundër Bullgarisë, ku Kosova do të tentojë patjetër fitoren. /Gazeta Express/