Bernard Kouchner, thotë se Franca është pro korrigjimit të kufijve

Ish kryeadministratori i UNMIK-ut në Kosovë nga viti 1999 deri më 2001, Bernard Kouchner, ka dhënë një intervistë ekskluzive për Indeksonline.

Ndër të tjera, Kouchner ka thënë se Franca është pro shkëmbimit të territoreve Kosovë-Serbi, nëse dy shtetet janë në pajtim për këtë.

Diplomati francez ka bërë thirrje për paqe mes dy shteteve duke thënë se pa paqe nuk mund të arrihet asgjë.

“Qëndrimi i Francës tanimë është shprehur. Ne nuk e kundërshtojmë këtë shkëmbim nëse dy qeveritë janë në pajtim dhe nëse dy popujt janë në pajtim. Ne mund tu themi atyre pa paqe nuk mund të rregullohet asgjë, dhe me paqe mund të rregullohet me paqe e edhe shkëmbimi i territoreve”, ka thënë Kouchner.

Mirëpo, sipas tij, ka njerëz në të dyja shtetet që i frikësohen një ideje të tillë për shkëmbim.

“Ka njerëz që i frikësohen shkëmbimit të territoreve dhe të njerëzve, besoj se në ketë rast popujt do të jenë në pajtim, ashtu besoj edhepse s’jam kosovar”, ka theksuar Kouchner.

I pyetur se a mund të ndikoj kjo që dhe shtetet tjera të kërkojnë ndarje, ai ka thënë se jo nuk mund të ndodh një gjë e tillë

“Ne po flasim vetëm për Kosovën e Serbinë, nuk mund të ndodh diçka e tillë”, ka përfunduar Kouchner./Indeksonline/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).