Berivojcasit e “bombardojnë” Sinanin me kërkesa

Kamenicë – Kryetari i bashkësisë Lokale të Berivojcës, Xhevat Kastrati përshëndeti të gjithë banorët e fshatit dhe i prezantoi listën e prioriteteve për këtë mandat qeverisës. Sipas tij me prioritet mbeten, asfaltimi i rrugës prej vendit të varrezave deri te Restaurant Konaku, një shkollë fillore, një çerdhe për fëmijë, një fushë futbolli, përmirësimi i rrjetit elektrik, rregullimi i ujësjellësit dhe kanalizimit, një ambulancë, rregullimi i trotuarit që lidhë Berivojcën me Koretinin, rregullimi dhe mirëmbajtja e prockës që kalon përmes fshatit etj.

Kryetari Begzad Sinani i falënderoi të gjithë për besimin e dhënë për të qeverisur me Komunën, dhe ky është takimi i parë me qytetarë të një lokaliteti pas marrjes së detyrës së Kryetarit të Komunës. “Ju përgëzoi për organizimin, unë edhe gjatë fushatës kam identifikuar problemet e fshatit tuaj dhe jam në dijeni për të gjitha hallet e juaja. Ne do të bashkëpunojmë me Qeverinë e Republikës së Kosovës, investitorë dhe Donatorë, në mënyrë që çdo qytetari të Komunës sonë t`i përmirësojmë kushtet e jetës” ka thënë Sinani.

Në këtë takim prezantuan edhe Policia e Kosovës ku informuan qytetarët me rastet më të shpeshta që paraqiten dhe ftoi qytetarët që të bashkëpunojnë me Policinë që të parandalojnë dhe zbulojnë rastet e ndryshme kriminale./rajonipress/