Berivojca fiton një projekt të rëndësishëm nga Bashkimi Evropian

Kamenicë – Kryetari i Komunë së Kamenicës Begzad Sinani tha për rajonipress se Komuna e Kamenicës ka fituar një donacion nga Bashkimi Evropian i cili po jetësohet në kuadër të programit “Kosova e Bukur”, që i dedikohet projektit “Rregullimi i shtratit të përroit” në fshatin Berivojcë.

Begzad Sinani tha se projekti do të financohet nga Zyra e Bashkimit Evropian në Kosovë (Zyra BE) dhe Organizata Ndërkombëtare për Migrim (IOM) , si Agjencia zbatuese BE – BK, do të jetë përgjegjës për zbatimin e projektit të dhënë, raporton rajonipress.

Sinani tha se vlera e projektit është 249. mijë euro. Kryetari i Këshillit Lokal të fshatit Berivojcë, Xhevat Kastrati tha se kryetari i Komunës i`a solli një lajm të mirë komunitetit të këtij fshati për aprovimin e projektit për rregullimin e shtratit të përroit që kalon përmes fshatit.”Shpresojmë se të ardhmen do të realizohen edhe projekte të tjera në ketë fshat multietnik si: shkolla për klasat e ulëta, ndriçimi në terë fshatin, asfaltimi i disa rrugicave etj. Banorët e këtij fshati jetojnë në harmoni të plotë pa kurrfarë problemesh ndëretnike” tha Kastrati./rajonipress/