Berivojca bëhet me çerdhe

Gjilan – Kryetari i komunës së Kamenicës Shaip Surdulli, të mërkurën ka pritur Drejtorin e Zyrës për çështje të komuniteteve- Zyra e Kryeministrit Srdjan Popovic. Me këtë rast është bërë edhe nënshkrimi i marrëveshjes së bashkëpunimit, për ndërtimin e çerdhes në fshatin Berivojcë të komunës së Kamenicës.

Kryetari i komunës së Kamenicës Shaip Surdulli, ka falënderuar Drejtorin e Zyrës për çështje të komuniteteve- Zyra e Kryeministrit, për investimin që do të bëhet në këtë fshat.

Drejtori i Zyrës për çështje të komuniteteve – Zyra e Kryeministrit Srdjan Popovic, ka thënë se ndërtimi i çerdhes në fshatin Berivojcë, dëshmohet se gatishmëria e qeverisë dhe komunës është për të krijuar kushte sa më të mira për fëmijët.

Ndryshe, Drejtoria e Zyrës për çështje të komuniteteve- Zyra e Kryeministrit, pas nënshkrimit të kësaj marrëveshje do të zotojë mjete financiare në vlerë prej, 27.000 euro, të cilat do të përdoren për financimin e këtij projekti./rajonipress/