Berisha zbulon çka i mungon në Serie A

Etrit Berisha ka pranuar se i mungojnë ekzekutimi i penalltive, pas transferimit në Serie A.

Ai i ekzekutonte penalltintë tek ish skuadra e tij Kalmar, para se t’i bashkohej Lazios.

Tani i huazuar në Atalanta, portieri kosovar ka pranuar se ka nostalgji për goditjet nga pika e bardhë.

“Pendime? Po, e kam një. Prej kur kam ardhur në Itali, nuk i ekzekutoj më penalltitë”, deklaroi Berisha për “Gazzetta dello Sport”, përcjell “lajmi.net”.

Ai po ashtu beson se Atalanta është më e fortë se Lazio. “Në këtë moment mendoj se jemi më të fortë se Lazio”, theksoi ai.