Berisha vazhdon me gola

Sulmuesi shqiptar, Besart Berisha, ka vazhduar edhe këtë javë të shënojë gola në Australinë e largët. Në ndeshjen e së dielës, ku skuadra e tij, Brisbane Roar shënoi fitore ndaj Melbourne 2:0, Berisha ishte realizator i golit të parë.

Ishte minuta e 12 kur Berisha pengohet në zonë dhe fiton një penalti, të cilën pastaj e konkretizon vetë në gol, duke shënuar kështu golin e tij të 13 këtë edicion në ‘A-League’.

Besarti kishte edhe një rast tejet të mirë për të shënuar në pjesën e dytë, mirëpo shtylla ndali goditjen e tij në minutën e 75. Brisbane është në pozitën e pestë në tabelë, me 32 pikë të tubuara. (ORAinfo)