Berisha ua rikujton Dukës e Vokrrit Ligën Mbarëkombëtare

Kryeministri i Shqipërisë, Sali Berisha, i është rikthyer premtimit për Ligën Mbarëkombëtare edhe një herë. Ai e konsideroi këtë të fundit si një projekt që dikur do të realizohet, gjatë një takimi me disa studentë që ka pasur ditën e diel. Pengesa e vetme e kësaj sipas Berishës, janë disa njerëz provincialë që drejtojnë futbollin në Shqipëri e Kosovë.

Tutje, kryeministri i Shqipërisë deklaroi që problemet ekonomike do të zgjidhen me ndihmën financiare që do të jepet nga dy qeveritë respektive, ndërsa ka konfirmuar përpjekjet e këtyre qeverive për bashkimin e sportit dhe futbollit, në një të ardhme të shpejtë. Të kujtojmë që deklaratat e Berishës për Ligën Mbarëkombëtare nuk i ka përkrahur numri një i futbollit të Shqipërisë, Armando Duka.

Ani pse është njeriu i parë i Shqipërisë, zëri i tij mund të ndalet nga dikush tjetër. Nismën e Ligës Mbarëkombëtare nuk e ka përkrahur as institucionet më të mëdha të futbollit në botë, UEFA dhe FIFA. Kjo për shkak se në rregulloret e UEFA-s thuhet se një Federatë mund të organizojë një kampionat vetëm brenda territorit të saj, të njohur juridikisht nga e gjithë bota.(tribuna)