Berisha thotë se mbeti jashtë Serie A shkaku i koronavirusit

COVID-19 u bë pengesë që portieri i kombëtares shqiptare Etrit Berisha, i cili mbajti edhe shiritin e kapitenit në krah në dy sfidat e fundit, të transferohej në një skuadër të madhe dhe ky është pengu i gardianit kuqezi.

Në një lidhje telefonike për emisionin Zona Gol në Supersport, Berisha tregoi disa prapaskena të merkatos ndërsa foli edhe për aventurën në Serie B me SPAL-in.

”Serie B është diçka e re për mua. Me siguri që do jetë një sfidë e rëndësishme në karrierën time. Gjithsesi duhet të kthehem aty ku e meritoj. Gjatë merkatos ka patur interesim dhe mundësi transferimi. Dëshira ime nuk është realizuar prej COVID-it. Një skuadër e madhe më ka mbetur peng. Ka patur edhe disa ekipe të tjera që kanë qenë disi më inferiore”.

Një mendim i Berishës shkoi edhe për kombëtaren shqiptare, duke lënë të kuptohet se do të jetë e vështirë që kombëtarja të ketë sërish një grup po aq të fortë sa ai që u kualifikua në Euro 2016.

“Grupi që kemi patur me Shqipërinë, vështirë se do bëhet ndonjëherë. Kemi shumë lojtarë të rinj që po inkuadrohen. Këto dy ndeshje kemi treguar karakter”, u shpreh Berisha.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).