Berisha s’ndalet, sërish shënon super gol

Besart Berisha vazhdon të shënoj gola në kampionatin australian. Sulmuesi shqiptar i ka siguruar 3 pikët e radhës skuadrës Brisbane Roar, e cila arriti të mposht si vendase Perth Gloryn, në kuadër të xhiros së tetë të ligës elitare australiane.

Berisha realizoi golin e vetëm të skuadrës së tij në fitoren minimale me rezultat prej 1:0.

Ishte minuta e 57 e ndeshje kur Berisha bukur i shmanget pozicionit jashtë loje dhe me anë të një goditje precize nga afërsia mposhti portierin kundërshtar.

Pas kësaj fitoreje Brisbane mbetet lider në ligë me 18 pikë, ndërsa Berisha përsëri synon që të jetë golashënuesi më i mirë në kampionat.
Kujtojmë se deri më tani pas rikthimit nga lëndimi, reprezentuesi shqiptar ka realizuar tre gola në kampionat, ndërkaq top-golashënuesi për momentin është Adam Taggart i Newcastle Jets.