Berisha shënon në Australi

Sulmuesi nga Kosova, Besart Berisha, vulosi fitoren e Brisbane Roar me rezultat 2:1 kundër ekipit Central Coast. Berisha u aktivizua nga minuta e parë, i cili ishte prej më të angazhuarve dhe trim i fitores.

Ai në minutën e 90-të pas një veprimit mjeshtëror e mposhti portierin mysafir dhe siguroi triumfin e skuadrës së tij me rezultat 2:1. Pas 18 javëve në Kampionatin e Australisë, Brisbane Roar, kryeson me 37 pikë ose shtatë më shumë se WS Wanderers që renditet i dyti.

Shqiptari tjetër që luan në Kampionatin australian, Labinot Haliti, u aktivizua nga minuta e 79-të për WS Wanderers e cila si mysafir barazoi 2:2 me Newcastle Jets. Haliti për 11 minutat e fundit tregoi formë të mirë dhe iu gëzua kësaj pike.