Berisha refuzon Kombëtaren shqiptare

Besart Berisha nuk do të luajë për Kombëtaren shqiptare në eliminatoret për Euro 2016. Sulmuesi kosovar ka refuzuar ekipi kuqezi për shkak të largësisë.

Kombëtarja shqiptare kishte më shumë se kurrë nevojë për një sulmuesi si Besart Berisha. Mirëpo, sulmuesi kosovar nuk do të luajë për Kombëtaren shqiptare në eliminatoret për Euro 2016, për shkak të largësisë.

Duke llogaritur udhëtimin e gjatë mbi 16 orësh, lodhjen e madhe fizike, që do ta kushtëzonte në të dyja drejtimet, me kombëtaren dhe me klubin, Besart Berisha ka kthyer përgjigje negative.

“Pas ftesës së bërë nga ana jonë dhe një reflektimi të gjatë, Berisha ka vendosur të mos luajë për Kombëtaren, pasi është tepër larg dhe ardhja e tij është shumë problematike”, ka deklaruar De Biasi.

Por, sulmuesi i ri i Melbourne Victorys nuk ia ka mbyllur derën Shqipërisë përfundimisht. Ish anëtari i Brisbanes e ka lënë të hapur mundësin që të luaj me ekipin kuqezi.

“I duhet të udhëtojë nga Australia në Shqipëri, apo në vendet ku ne duhet të luajmë. Por, ai nuk është se ka mbyllur përfundimisht gjithçka, pasi na e ka lënë të hapur bashkëpunimin. Nëse vitin tjetër do të ketë mundësinë të luajë në Europë, ai do të na bashkohet”, theksoi strategu italian.