Berisha: Rama porositi intervistën e Rexhep Qoses për shkëmbim territori Kosovë-Serbi

Ish-Kryeministri, Sali Berisha nuk kursen akuzat ndaj shefit të qeverisë Edi Rama, lidhur me situatën e tensionuar në mes Kosovës dhe Serbisë.

Këtë radhë përmes një postimi në Facebook, Ish-Kryeministri Berisha thotë se intervista e akademikut Rexhep Qosja, është e porositur nga Kryeministri Edi Rama.

Kjo pasi në intervistën e tij, akademiku hidhte idenë e dhënies së Veriut të Kosovës, Serbisë dhe Lugina e Preshevës t’i kalojë Kosovës

Sipas Berishës, ditën e intervistës ka patur një marrëveshje mes Edi Ramës dhe kryeministrit serb Aleksandar Vuçiç.

Postimi i Berishës:

“Intervista e Qoses per shkembim territoresh e porositur nga Edvin Kristaq Rama!

Intervista e Rexhep Qoses per shkembim territoresh sipas nje projekti te Beogradit, midis Kosoves dhe Serbise, ne kulmin e krizes te marshimit mbi Kosove me trenin e Serbomadhise, eshte e porositur nga Edvin Kristaq Rama! Burime diplomatike ato dite flasin per nje marreveshje Rama – Vuçiç per veprimin aneksionist pushtues te Beogradit ndaj veriut te Kosoves! sb” (sic.), ka shkruar Berisha. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).