Berisha njeh dekoratat e dhëna nga Enver Hoxha

Titujt e dhënë në regjimin komunist do të njihen. Prej disa ditësh në Kuvend ka mbërritur një projektligj i ri “për dekoratat, titujt e nderit, medaljet dhe titujt vendorë të nderit në Republikën e Shqipërisë”.

Nisma e re e marrë nga Ministria e Drejtësisë synon njohjen e përkushtimit ndaj Shqipërisë, interesave kombëtare dhe shoqërisë, nëpërmjet përcaktimit të rregullave për vlerësimin e personave me merita dhe kontribut të veçantë për vendin, si dhe shpërblimin e tyre, transmeton shekulli.

Përfitimet elektorale

Por, Përkundër apelit të vazhdueshëm të ish- të përndjekurve politikë për të hequr tituj e nderit apo dekoratat e dhëna gjatë regjimit komunist, qeveria propozon që të njihet çdo dekoratë apo titull i dhënë deri më tani. “Dekoratat, titujt e nderit, medaljet dhe titujt vendorë që janë dhënë përpara hyrjes në fuqi të këtij ligji, njihen”, thuhet në draftin e sjellë në Kuvend.

Momenti kur përgatitet ky ligj na shtyn të mendojmë se kreu i qeverisë me këtë gjest kërkon të tërheqë tek koalicioni i tij komunistët, ose së paku t’i zbusë ata. Marko Dajti, kreu Partisë së Punës së Riorganizuar, para disa ditësh ka kërkuar rivendosjen e bustit të Enver Hoxhës. Ai ka qenë prezent në tavolinën e partive të ftuara nga Edi Rama për koalicionin opozitar. /Indeksonline/