Berisha, më i miri i stinorit të Brisbane

Sulmuesi kosovar, Besart Berisha, është shpallur si lojtari më i miri i stinorit që lamë pas në skuadrën e tij, Brisbane Roar.

Besarti ishte lojtari më i votuar nga bashkëlojtarët dhe stafi teknik i Brisbane, ku u shpallë si lojtari më i mirë gjatë këtij sezoni, si dhe golashënuesi më i mirë te skuadra e tij.

Besarti gjatë 25 ndeshjeve të zhvilluara këtë edicion ka shënuar 14 gola dhe ka asistuar në dy të tjerë për bashkëlojtarët e tij.

Vitin e kaluar, Berisha ishte shpallur golashënuesi i parë në A-Leaguen australiane, duke shënuar 19 gola.