Berisha kushton 5 milionë euro

Mesfushori kosovar, Valon Berisha, kushton jo më pak se pesë milionë euro. Siç ka njoftuar ‘calciomercato.it’, italianët e Lazios janë vënë në kërkim të shërbimeve të anëtarit të Red Bull Salzburg, duke dashur ta transferojnë atë në kryeqytetin italian pikërisht në afatin kalimtar veror.

Megjithatë, drejtori sportiv i Lazios, Igli Tare, duhet t’i bindë krerët e Salzburgut me shumën e pesë milionë eurove, aq sa vlerësohet nga këta të fundit mesfushori kosovar.

Ndryshe, mediat italiane ditëve të fundit kanë raportuar edhe për interesimin e Lazios karshi Mërgim Mavrajt, Elseid Hysajt dhe Përparim Hetemajt.