Berisha, kampion i Evropës me Gjermaninë U21
RajoniPress
07:44, 7 Qershor, 2021
Një sukses i madh për futbollistin shqiptar, Mërgim Berisha
Futbollisti shqiptar, Mërgim Berisha ka arritur sukses të madh, duke u shpallur kampion i Evropës me Gjermaninë U21, shkruan albinfo.ch.
Gjermania mundi minimalisht Portugalinë 1:0, në finalen e zhvilluar të dielën mbrëma.
Berisha luajti deri në minutën e 67-të kur u zëvendësua nga Jonathan Burkardt, kurse golin e fitores e shënoi Lukas Nmecha në minutën e 49-të.
Berisha ishte shpallur kampion i Austrisë me Red Bull Salzburg dhe kishte paraqitje shumë të mira në Ligën e Kampionëve.
