Berisha ka dëshirë të luaj për Shqipërinë

Sulmuesi Besart Berisha vazhdon të ‘çmend’ me paraqitjet e tij në Kampionatin e Australisë në fanellën e Melbourne Victory.Ai në këtë edicion arriti që të kurorëzohet me titullin kampion ndërkohë që u shpall edhe shënuesi më i mirë në ligë me 15 gola.

Futbollisti nga Prishtina këtu ditë po qëndron në qytetin e tij, ndërkohë që në një intervistë për mikrofonin e gazetarit të ‘Super Sport Kosovës’, Florim Canolli, përmendi edhe Kombëtaren e Shqipërisë, prej të cilës është larguar vite më parë.

“Dëshira është shumë e madhe që edhe një herë të luaj për Kombëtaren. Po më pëlqen shumë loja e saj dhe trajneri Gianni De Biasi. Mirëpo, aktualisht jam në Australi dhe për shkak se ndodhem shumë larg, nuk mund të vijë”, ka thënë ndër të tjera, Besart Berisha. /Telegrafi/