Berisha hero për Salzburgun, dy asistime në fitoren e ngushtë të kampionëve austriak

Në minutën e 95-të, Berisha ekzekutoi për mrekulli një gjuajtje të lirë dhe gjeti kokën e Andre Ramalhos i cili shënoi për 2-1.

Kampioni aktual i Austrisë, Red Bull Salzburg është munduar shumë për të marrë tri pikët e para në edicionin pranveror në Bundesligën austriake.

Salzburg ishte nikoqir i skuadrës Admira dhe mezi arriti ta mposhtë me rezultat 2-1.

Të parët kaluan vendasit në epërsi kur në minutën e 37-të, Valon Berisha asistoi për mrekulli tek Dabbur i cili shënoi për 1-0.

Mysafirët barazuan rezultat në 1-1 ende pa u mbyllur pjesa e parë nëpërmjet Grozurek.

Salzburgu tentoi në vazhdim të ndeshjes për të gjetur golin e epërsisë por e kishte tejet të vështirë pasi mysafirët mbroheshin me gjithë ekipin.

Në minutën e 95-të, Berisha ekzekutoi për mrekulli një gjuajtje të lirë dhe gjeti kokën e Andre Ramalhos i cili shënoi për 2-1.

24-vjeçari ka shënuar dy gola këtë edicion me Salzburgun ndërsa ka bërë tetë asistime në Bundesligën austriake.

Pas kësaj fitore, Salzburgu është ngritur në pozitën e parë në Bundesliga me 46 pikë të tubuara, dy më shumë se Sturm Gratz. /Telegrafi/