Berisha flet pasi triumfoi ndaj Lazios: Fituam ndaj një skuadre të shkëlqyeshme

Spal ka arritur të marrë një tre pikësh tejet të rëndësishëm në xhiron e tretë të Serie A.

Skuadra modeste italiane ishte nikoqire e Lazios dhe nga disavantazhi 0-1 në fund triumfoi 2-1.

Njëri nga më meritorët për këtë fitore të Spal ishte portieri shqiptar Etrit Berisha, që bëri disa pritje të jashtëzakonshme.

Berisha pas ndeshjes ka folur për fitoren që e mori ndaj ish-skuadrës së tij Lazio.

“Për mua është një ndeshje e rëndësishme kundër një skuadre të shkëlqyeshme. Lazio është një ekip shumë i forte që duhet të përmirësohet, por ka lojtarë të fortë që mund të bëjnë ndryshimin”, tha Berisha.

Berisha triumfoi edhe njëherë përballë rivalit të tij në Kombëtaren e Shqipërisë, Thomas Strakoshës.

“Ne ishim takuar tashmë disa ditë më parë me Thomasin dhe kemi dashur të fitojmë të dy. Për mua ai është një mik i shkëlqyeshëm”, përfundoi Berisha. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).