Berisha është në shitje, Atalanta ia cakton çmimin e largimit

Etrit Berisha po kalon momentet e fundit te Atalanta.

Portieri shqiptar është nxjerrë në shitje nga skuadra e tij aktuale Atalanta.

Bergamasët që këtë edicion ishin edhe pjesë e Ligës së Evropës kanë vendosur t’i besojnë portierit të ri Gollini.

Atalanta ka vendosur të bëjë një revolucion në skuadër dhe po tenton ta përtërijë ekipin.

Etrit Berisha (Getty Images)

Kësisoj pas Bryan Crystantes, Josep Ilicicit dhe Gomezit, është vendosur që edhe Berisha të largohet.

Skuadra italiane i ka vendosur edhe çmimin e largimit reprezentuesit shqiptar.

Ekipet që interesohen për transferimin e Berishës duhet të paguajnë tetë milionë euro.

E ardhmja e prishtinasit pritet të jetë përsëri në Itali, ku njëra nga skuadrat e interesuara mbetet Fiorentina por edhe Genoa. /Telegrafi/