Berisha e do finalen e Europa Leagues

Red Bull Salzburgu i Valon Berishës e ka vazhduar mrekullinë në Europa League duke e eliminuar edhe Lazion.

Pavarësisht epërsisë prej 4:2 nga ndeshja e parë, Lazio nuk ka arritur ta ruajë at pasi në ndeshjen kthyese u përmbys në Austri ku humbi 4:1 nga ekipi i yllit të Kosovës. Berisha ishte ndër më meritorët në arritjen e Salzburgut deri në gjysmëfinale. Kurse, tani 25-vjeçari e do finalen e Europa Leagues, për të cilën në gjysmëfinale do të luftojë kundër Olimpique Marseillet.

“E dinim se mund ta bënim këtë, por nuk doja të flisja para ndeshjes sepse ne jemi një ekip i vogël. Dua ta shijojmë këtë dhe të shkojmë në finale”, ka deklaruar Berisha.

Falë paraqitjeve të shkëlqyeshme në Europa League Berisha është bërë dëshirë e Liverpoolit, Lazios, por edhe e disa klubeve tjera evropiane që do të tentojnë ta transferojnë në radhët e tyre gjatë verës. Në gjysmëfinalen tjetër të Europa Leagues Arsenali do të përballet me Atletico Madridin.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).