Berisha dridh Shqipërinë: Mund t’i bashkohem Kosovës

Etrit Berisha e ka pranuar se mund t’i bashkohet përfaqësueses së Kosovës. Por, vendimin do ta marrë vetëm pas Euro 2016.

Etrit Berisha nuk ka vendosur ende nëse do të vazhdojë të jetë pjesë e Shqipërisë, apo nëse do t’i bashkohet Kosovës.

Ndryshe nga kapiteni Lorik Cana, i cili ka zgjedhur Shqipërinë, portieri i përfaqësueses ka pranuar se është ende në mëdyshje se cilin vendim do të marrë.

“Për mua, ka qenë nder që të përfaqësoj të gjithë shqiptarët. Tani që është bërë kjo ndarje, nuk ndjehem në maksimum, pasi edhe po shkova te Kosova, ose të rri të Shqipëria, për mua do të jetë një lloj zhgënjimi apo nuk do të ndjehem edhe aq mirë”, ka deklaruar Berisha në konferencën për media.

“Kjo është një situatë e vështirë për mua. Kam qenë më parë me Kosovën, pastaj me Shqipërinë. Për mua më e mira është që të mund t’i përfaqësoj të dyja. Mendoj që vendimet për këtë do t’i marr, apo do t’i marrim, pas kampionatit”, theksoi ai. /Express/