Beqiri: Vullneti i shumicës në Kryesi të LDK-së është për koalicion me Vetëvendosjen

Anëtari i Kryesisë së Lidhjes Demokratike të Kosovës (LDK), Ismet Beqiri ka thënë se qasja e Vetëvendosjes për ndërtimin e partneritetit me LDK-në është e gabuar.

Beqiri, në “Debat Plus” me Ermal Pandurin në RTV Dukagjini, ka thënë se LDK ka lëshuar pe në raport me Vetëvendosjen sa i përket marrjes së përgjegjësive për qeverisje.

Ai thotë se në diskutimin e parë ishte përmendur që LDK të merr Kryetarin e Kuvendit, zotimin për Presidentin dhe pesë ministri.

“Tash ne kemi lëvizur nga ai qëndrim dhe Kryetarin e Kuvendit do ta kthejmë pas një viti. Lëshim më të madh unë nuk di çfarë mund të bëjmë”.

Beqiri thotë se LDK nuk po kërkon as më shumë e as më pak se që i takon, përcjell Telegrafi.

“Neve qytetarët na kanë dhënë ‘hisen’ në qeveri. Normalisht që kur bëhen zgjedhje, mendohet edhe qeverisja. Mos të mendojë dikush se neve po na dhuron diçka”.

Anëtari i Kryesisë së Lidhjes Demokratike të Kosovës thotë se dy raste kur LDK ka pasur 47 deputetë ka lëshuar shumë nga pushteti.

Sipas tij, tash diferenca është shumë më e vogël mes partisë së parë dhe të dytë, prandaj thotë se partia fituese duhet të ketë parasysh se edhe LDK po mbron interesin e votuesve.

Beqiri ka thënë se vullneti i shumicës edhe në Kryesi të LDK-së është për koalicion me Vetëvendosjen.

“Nuk dua të dal kundër atyre që kanë deklaruar ndryshe, por ky është realitet”, tha Beqiri./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).