Beqiri pret më shumë nga takimi Thaçi- Dacic

Bujanoc -Takimi mes kryeministrit serb Ivica Dacic me homologun e tij kosovar Hashim Thaçi është mirëpritur edhe nga liderët e Luginës së Preshevës me shpresë që këto bisedime do të reflektohen pozitivisht edhe në përmirësimin e situatës së shqiptarëve në Preshevë, Bujanoc dhe Medevegjë të cilët ndjehen të diskriminuar.

Galip Beqiri, kryetar i Këshillit Kombëtar Shqiptarë i ka deklaruar « Presheva Jonë » se kontakti i parë mes dy kryeministrave, atij të Kosovës dhe Serbisë, edhe pse pak janë të vonuara sigurisht, do të jenë në dobi të dy vendeve fqinje, me shpresë se këto raporte të reja do të reflektohen pozitivisht edhe në Luginën e Preshevës. « Takimi i Dacicit dhe Thaçit t’mos mbetet vetëm shtrëngim i duarve por të sjellin rezultate pozitive duke u reflektuar edhe në trevat e banuar me shqiptarë të cilat vise konsiderohen më të pazhvilluar si politikisht ashtu edhe ekonomikisht».

Për Beqirin më e rëndësishme është rezultati i këtij takimi, pra avancimi i proceseve në favor të paqes dhe stabiliteti në rajon se fotografitë dhe shtrëngimi i duarve mes Dacic dhe Thaçit. « Pra, mbetemi me shprese qe ky takim i dy kryeministrave t’mos mbetet vetëm objekt debati për mediet, se kush ja shtrëngoi dorën më shumë e kush më pak..Por faktorët relevant duhet përqendrohen për avancimin e proceseve se kush më shumë duke hequr dorë nga politikat diskriminuese që shqiptarët e Luginës në këtë pjesë të Evropës në këtë shekull t‘ mos vazhdojnë të jenë viktimë e politikës diskriminuese dhe spastrimeve etnike… » përfundon Beqiri nga KKSH.