Beqiri: LDK synon Kryeministrin, për postin e Ramush Haradinajt s’kemi biseduar

Sekretari i Përgjithshëm i Lidhjes Demokratike të Kosovës Ismet Beqiri, thotë se LDK synon postin e Kryeministrit dhe se Haradinaj e di këtë. Por për postin e këtij të fundit nuk është diskutuar ende.

Ismet Beqiri thotë se LDK synon postin e Kryeministrit dhe se për këtë është biseduar dhe këtë qëllim e di edhe lideri i AAK’së Ramush Haradinaj, i mandatuar i Bllokut për Kryeministër.

Por sipas Beqirit, marrëveshja e kaluar më nuk vlenë, për shkak se u hoq dorë nga një post.

“Gjithsesi, z. Haradinaj e di dhe ne i kemi fillu bisedat për këtë çështje, ne jemi në kontakt dhe ne jem subjekt serioz politik nuk bëjmë dëmtime të tilla që e dëmton në ëfarëdoforme atë bashkëpunimin dhe qëllimin tonë final, e qëllimi ynë final është shumë e qartë që të kemi një qeveri më ndryshe”, tha Beqiri.

Por cili post do t’i lihet Haradinajt?

“Nuk është vendos për këto çështje por do të bisedohet në ditët në vijim edhe do të dilet sigurisht me qëndrim të qartë të përbashkët”, tha ai.