Beqiri: Disa vijnë në LDK veç për poste, po ua prishe “tymin e duhanit” një minut nuk qëndrojnë
RajoniPress
22:15, 14 Dhjetor, 2020
Deputeti i LDK-së Ismet Beqiri është shprehur i ashpër me disa nga ardhjet e viteve të fundit në LDK.
Beqiri në “Debat Plus” thotë se ata kanë ardhur në LDK vetëm për të përfituar poste qeveritare.
“Ka të tillë që në LDK vijnë veç për poste. Me bo veç me ja u prishë “tymin e duhanit” një minutë në parti nuk qëndrojnë”, tha ai, përcjell Telegrafi.
Deputeti i LDK-së thotë se ai edhe kur nuk ka qenë mirë në parti ka ulur kokën për të respektuar elektoratin ndërsa sipas tij Vjosa Osmani ka gabuar që është distancuar nga partia.
Beqiri është pyetur edhe për ish-deputetët e LDD-së që u kthyen në LDK.
“Ata janë kthyer në LDK pasi nuk e kaluan pragun në zgjedhjet e vitit 2010. Ata i ktheu procesi zgjedhor”, tha ndër të tjera Ismet Beqiri./Telegrafi/
