Beqiraj, i lumtur për golin

Fatos Beqiraj, ka shënuar golin e katërt në elitën e futbollit kroat. Sulmuesi kosovar, ka realizuar gol në fitoren e Dinamo Zagrebit, i cili mundi rivalin e qytetit NK Zagreb me rezultat 0:3

Ish Sulmuesi i Besës së Pejës, është i lumtur që hapi llogarinë për gjigantin kroat në minutën e 48-të.

“Nuk ka rëndësi kush shënon gol, por fitorja e ekipit. Sigurisht, unë jam i lumtur për golin, veçanërisht që arrita ta realizoj golin e epërsisë. Nuk ishte aspak e lehtë të luhet ndaj një ekip që mbrohet”, ka thënë Beqiraj, për ueb faqen zyrtare të klubit.

Reprezentuesi i Malit të Zi, tregon se goli i realizuar javën e kaluar ndaj Zadarit ia ka rikthyer vetëbesimin, pas një ‘pauze’ katër mujore.

“Goli ndaj Zadarit më ka ndihmuar shumë. Kur trajneri më tha të futem në lojë, kam pasur ndjenjën se do të shënoja. Vetëbesimi më është rikthyer, dhe besoj se kjo është parë edhe në fushë”, ka thënë pejani.

Deri më tani këtë sezon, Beqiraj nuk ka shkëlqyer sikurse sezonet e kaluara me skuadrën nga ‘Maksimiri’.(express)