Beqaj: Nëse vazhdon ngërçi, shërbyesit civilë në mars do të mbeten pa paga

Nëse vazhdohet ngërçi politik, shërbyesit civilë do të mbesin pa paga nga muaji mars i vitit tjetër. Këtë e ka bërë të ditur ministri në detyrë i Financave, Besim Beqaj.

Në një debat në emisionin “Rubikon” të KTV’së, Beqaj ka thënë se nuk do të ketë rishqyrtim të buxhetit dhe se deri në muajin shkurt të vitit 2015, buxheti është i planifikuar.

Ministri Beqaj në këtë debat, ka paralajmëruar KEDS’in që të mos kërcënojë me mungesë të energjisë elektrike sepse mund t’ia marrë kompaninë pa kompensim.

Ismajli: Ka rënë interesimi për investime kapitale

Ndërkaq ministri i Zhvillimit Ekononik, Fadil Ismajli, ka thënë se për shkak të krizës ka rënë interesimi për investime kapitale.

Ai ka thënë se po rrezikohen shumë projekte kapitale.

Ndërkaq drejtori i Doganave, Lulëzim Rafuna, ka thënë se kanë arritur që me gjithë ngërçin të bëjnë mbushjen e buxhetit.