Beqaj në financa, AKR merr Ministrinë e Zhvillimit Ekonomik

Behgjet Pacolli dhe Hashim Thaçi përfundimisht janë marrë vesh për ndryshimet në Qeveri, gjatë një takimi që po zhvillohet aktualisht.

Me këtë rast, Pacolli i është plotësuar dëshira dhe ka marrë Ministrinë e Zhvillimit Ekonomik, ndërsa Besim Beqaj ka kaluar në Ministrinë e Financave.

Burime të Express brenda takimit kanë thënë se Kryeministri dhe Zëvendëskryeministri i Parë janë ende në takim, ndërkohë më vonë do të bëhen të ditura detajet e marrëveshjes së re.

Ndryshe, Pacolli disa herë ka dhënë ultimatume se nëse nuk merr edhe një Ministri do të largohet nga Qeveria, për shkak të shpërfilljes së kërkesave të tij nga ana e Liderit të PDK’së.