Beogradi len pa tekste nxënësit e shkollave të mesme në Luginën e Preshevës

Preshevë – Mungesa e teksteve nga qeveria serbe për gjimnazistët shqiptarë në Luginën e Preshevës është forma tjetër e diskriminimit të vazhdueshëm të Beogradit ndaj arsimit shqip në Medvegjë, Bujanoc dhe Preshevë.

Akoma nuk janë siguruar tekstet në gjuhën shqipe për histori, gjeografi, muzikë dhe art.. Veç kësaj sivjet jemi duke punuar për të siguruar qindra tekste vetëm për shkollat e mesme rreth 350 sosh për të realizuar kërkesat e nevojshme të gjimnazistëve tanë në Luginën e Preshevës…” ka precizuar për “Presheva jonë” Kryetari i Këshillit Nacional të Shqiptarëve Galip Beqiri

Kryetari i Këshillit Nacional të Shqiptarëve Galip Beqiri ka deklaruar se për vitin e ri shkollor janë siguruar vetëm 60 % të teksteve të kërkuara në gjuhën shqipe e cila është një përmirësim i madh gjatë vitit të kaluar.

Sipas tij pak ma “but” qëndron me tekstet e filloristëve ku mbi 60 për qind janë siguruar. Beqiri tha se këto tekste në gjuhën shqipe janë siguruar përmes tri formave, nga Shqipëria të autorëve tanë (Sejdi Bilalli etj..) dhe disa të përkthyera nga serbishtja.