Benussi i del në mbrojtje Ujkanit

Portieri i Palermos, Francesco Benussi, ka thënë se portieri kosovar Samir Ujkani meriton të jetë pjesë e ndonjë ekipi në Serie A. “Për mendimin tim Ujkani është një portier i cili e meriton të luajë në Serie A.

Ai ka gabuar, siç bëjnë të gjithë portierët, por ka treguar se nuk i mungon talenti. Të luash nën presion kur rezultatet mungojnë nuk është e lehtë për askënd. Për mua ai mbetet një portier me vlera të mëdha. Gjëja më e thjeshtë kur rezultatet mungojnë është të fshihesh pas gabimeve të portierit. Unë e mirëpres ardhjen e Sorrentinos, por Ujkani mbetet sërish një portier me vlera të mëdha.

Balotazhin me Ujkanin e kam përjetuar mirë, sepse luftonim gjithmonë për një post titullari, shpesh herë luante ai dhe disa herë unë. Dhe një gjë e tillë na ka bërë mirë të dyve”, ka thënë Benussi, ish-portieri i Lecces dhe i Venezias. Ujkani e Benussi janë pjesë e Palermos, por Ujkani është huazuar te Chievo deri në fund të këtij edicioni.