Beni i LDK-së, tellall i keq i tutorëve të tij

Gjilan- Është mësuar më qytetari dhe nuk ia zë për të madhe as Arbenit, e askujt tjetër të LDK-së për atë që thonë sot, sikundër për ato që thanë dje, e do thonë edhe nesër, madje edhe gjatë kohë nga ky pozicion (opozitar), ka thënë Shefik Surdulli.

“Duhet të flet publikisht Mehmeti kundër kryetarit të Komunës e këtij pushteti në përgjithësi, patjetër, sepse i duhet ta shpërqendroj vëmendjen e aktivistëve e elektoratit të LDK-së nga benifitet dhe privilegjet që i ka krijuar ai vetes po nën pushtetin e PDK-së”. Kështu e ka nisur reagimin e tij Shefik Surdulli nga zyra për informim e komunës, ndaj akuzave që bëri Arben Mehmeti këtë të shtune.

Surdulli ka shtuar se kryetari i komunës, nga dita e parë e mandatit të tij si kryetar, ka pritë në zyrën e tij qytetarë të shumtë pa asnjë dallim. “Ai takohet e bisedon me të gjithë për problemet e hallet e tyre. Në këtë kuadër, ai është takuar edhe me pronarët e lokaleve , të cilëve Mehmeti “po ua qanë hallin”, për të arritur një marrëveshje për bashkimin e interesit të tyre në një projekt afaristo banesorë, në rrugën “Adem Jashari”.

Surdulli mendon se ndërtimi në vendin e theksuar është interes i publikut sepse fitojnë të gjithë. “Fitojnë afaristët shumë hise dhe hapësirë të re; një garazhim me sipërfaqe prej 36 m2, hapësirë në përdhes aq sa e kanë sot plus kati i parë sa përdhes si dhe qiraja komerciale (në kushtet e tregut) gjatë gjithë kohës sa janë jashtë objektit (për 24 muaj sa zgjatë ndërtimi i objektit), ose në vend të qerasë po aq sipërfaqe sa përdhes por në zonën e banimit. Pra, fitojnë familjet e lagjes që e bashkojnë interesin, fitojmë punësim të njerëzve, fitojmë taksë ndërtimore, pra rritet buxheti i komunës, rritet me TVSH dhe doganë buxheti i Kosovës, e ristrukturojmë qytetin dhe fiton investitori. Pra shumë të mira në një vend.

Ja pra, ky është “presioni” dhe “bisedat informative” të kryetarit të komunës për këta pronar,

Ky është absurdi i një politikani të LDK-së si Mehmeti, që nuk e kupton, po as nuk do të mësoj e as të kuptojë.

Kush nuk ecë me kohën, koha e qetë jashtë saj dhe e bënë anakronik e qesharak por edhe frenues për aq sa mund të frenojë ka thënë Surdulli./rajonipress/