Bënë efekt kushtëzimi ndaj borxhlinjve

Gjilan – Ecohigjiena ka marrë vendim që të gjithë borxhlinjve që kanë borxh më tepër se 30 euro mos tua kryej shërbimet, derisa të njëjtit nuk i kryejnë obligimet e mbetura. Ky vendim sipas Bajram Isufit drejtor ekzekutiv në Ecohigjiena ka ndikuar pozitivisht sepse është shënuar një rritje e lehtë e inkasimit.

Bajram Isufi drejtor ekzekutiv në Ecohigjiena tha për rajonipress se me këtë kushtëzim do të vazhdohet edhe në të ardhmen sepse kompania Ecohigjiena nuk ka mekanizëm apo rrugë tjetër për të mundur të inkasojë borxhin.

Sipas , Isufit edhe pse nuk ka ndonjë statistikë të përqindjes së inkasimit ai tha se megjithatë sipas raporteve të inkasantëve nga tereni del se kemi pasur një rritje të lehtë të të hyrave nga pagesat e fundit.”Ne mund të jemi në shërbim të qytetarëve dhe të gjithë klientëve tjerë vetëm nëse ata i paguajnë me kohë obligimet. Nëse inkasimi është në nivel ne do të ngrisim edhe më shumë shërbimet tona dhe do të jemi besnik ndaj klientëve” tha Isufi.

Isufi tha se nuk ka qenë i lehtë hapi që kanë ndërmarrë , por këtë e kanë bërë duke u bazuar në faktin se Ecohigjiena ndodhej në krizë të rëndë financiare pikërisht shkaku i mos inkasimit të mjaftueshëm të borxheve nga të gjitha kategoritë që ju kryejnë shërbime./rajonipress/