Fidanishtja

Bekim Isufi: Respektojmë Llapin, por ne udhëtojmë për rezultat pozitiv

/ 2 minuta lexim

Gjilan – Ndeshja e javës së 28-të në mes Llapit e Dritës e cila zhvillohet në stadiumin “Zahir Pajaziti” në Podujevë, ka zgjuar interesim të madh tek futboll dashësit.

Trajneri i “bardh e kaltërve” të Dritës, Bekim Isufi, gjatë tërë javës me futbollistët e tij është përgatitur në mënyrë maksimale për këtë derbi.
“Ne gjatë tërë javës kemi punuar me përkushtim të madh, do të jetë një ndeshje si të gjitha ndeshjet tjera të Superligës, Llapin e respektojmë por ne kemi ambiciet tona, jemi të mobilizuar së bashku me futbollist dhe do të japim më të mirën që mundemi
për të dal të pamposhtur nga ky ballafaqim”.

Uji Dea

Isufi ka bërë të ditur se gjerë në ndeshjen e fundit do të ketë paqartësi në kreun e tabelës.
“Janë në lojë edhe 18 pikë, secila skuadër ka ambiciet e saja por ne do të mundohemi që sa më mirë të dalim nga këto javë të mbetura, ndërsa ne si skuadër do të angazhohemi maksimalisht dhe nuk do të lëmë fatin tonë në duart të askujt pasiqë kemi një armatë të tërë të tifozëve dhe shpresoj se së bashku do t’ja dalim ndeshje pas ndeshje”.

Tifozët e Dritës “Intelektualët”, të dielën pritet të udhëtojnë në një numër të madh drejt stadiumit “Zahir Pajaziti”./rajonipress/