Bekim Isufi: Në Ohër, Drita po shkon sipas planit

Gjilan – Skuadra e Dritës me mjaft sukses po zhvillon fazën e dytë të përgatitjeve në Ohër, ku përpos stërvitjeve të rëndomta “bardh e kaltërtit” kanë zhvilluar edhe dy ndeshje kontrolluese.

Trajneri i Dritës, Bekim Isufi është mjaft i kënaqur me rrjedhën e përgatitjeve të djelmoshave të tij.
“Përgatitjet po shkojnë sipas planit tonë të përgatitur nga dy herë në ditë, të gjithë futbollistët po ushtrojnë me intenzitet të lartë dhe jam i kënaqur me angazhimin e tyre në këtë fazë të përgatitjeve”.

Qyteti i Ohrit përpos që ka ofruar kushte optimale për punë, djelmoshat e trajnerit Bekim Isufi kanë zhvilluar edhe tri ndeshje kontrolluese.

“Kemi zhvilluar tri ndeshje me skuadrën e Shkupit kemi luajtur 1-1, me skuadrën e Strugës kemi dal fitues 1-0, ndërsa me Vëllazrinë (K) kemi luajtur pa gola, në këto dy ndeshje të gjithë futbollistët kanë pasur rastin të luajnë, ndërsa rezultati ka qenë i dorës së dytë pasi kemi kërkuar më tepër se si ti ndërlidhim repartet tona në skuadër”, shprehet Isufi.

Drita pritet të kthehet në Gjilan të shtunën./rajonipress/