Bëj ç`të duash me mua

Mbështete kokën mbi supin tim, si mbi atë gurë të blertë përballë Hijes Grihës, ty ku t`i nuk ke prekur ende
a unë nën rrënjë të tij kam nxënë imazhe
e dëgjoji ato tik – take zemre, se si tikëtojnë brendësisë sime të zjarrtë

Reka Ahit me krejt ujin e flladin që ruan në çdo kohë
nuk e ftohë
se janë Sytë Tu Stina Ime që e ndezin kohë e pa kohë
se janë dhe ato Buzë – brigje të buta të shkrifta
që zbusin atë gjuhë flake tek kapërthen trupin
Pastaj hapat Tu
ato duar si krahë fluturash që zgjaten kah unë
e ndalen lëndinave të djegura të trupit
Ditët e ikura i lidhin nëpër fije të arta buzëqeshjesh
tek më rilindin gjymtyrë për gjymtyrë
pas çdo ardhjeje
Mbi supin tim mbështete kokën
të ta ndijë pulsin e gjakut nëpër damarë
atë valëzim zemre
aromën e avulltë të zjarrmisë e tokës
Le të ndizem e përndizem sërish pastaj
aq më bën
Je
po si nuk je stina ime e ëndërrta ime
Bëj ç’ të duash me mua
eja
ik
e kurrë të vetëm mos më le

Sabit Rrustemi

( 29 mars 2016 )