Behramit do t’i pëlqente kthimi në Serie A

Mesfushori i Watfordit, Valon Behrami, ka pranuar se do t’i pëlqente rikthimi në Serie A.

Në një intervistë për FirenzeViola.it, futbollisti shqiptar ka folur para duelit ndërmjet dy ish klubeve të tij, Fiorentina dhe Verona.

“Mendoj se Fiorentina po kalon një sezon të shkëlqyer dhe po e reflekton cilësinë e skuadrës, ndërsa Verona duket të ketë një sezon të mallkuar, shpesh duke humbur teksa i meritojnë të tria pikët”.

“Kujtimet e mia te Verona janë fantastike. Hellas nisi karrierën time në Serie B dhe është një qytet mahnitës. Do të më pëlqente të kthehesha dhe të luaja atje”.

“Në Firence, raporti im me tifozët ishte unik, edhe pse kam një pendim të madh, nuk përfundoi ashtu si desha unë”.

“Do të jetë një garë e madhe deri në fund për vendin e tretë ndërmjet Fiorentinas dhe Romës, derisa për Scudetto është e qartë Juventus-Napoli”, ka thënë Behrami. /Telegrafi/