Behrami u kthehet stërvitjeve

Mesfushori Valon Behrami u është kthyer stërvitjeve me skuadrën e Napolit, shkruajnë të hënën mediumet italiane.

Behrami 28-vjeçar, ka qenë i lënduar në këmbën e majtë dhe nuk është aktivizuar prej muajit dhjetor të vitit të shkuar. Ai i ka munguar Napolit në gjashtë ndeshjet e fundit kampionale.

“Ai pritet që shumë shpejt të rikthehet në përbërjen e Napolit”, shkruan uebfaqja italiane “Football-Italia”.

Behrami këtë edicion ka regjistruar 20 paraqitje në të gjitha garat me fanellën e Napolit.