Behrami, shumë afër Hamburgut

Valon Behrami pritet të bëhet lojtar i ri i Hamburgut. Napoli e ka gjetur gjuhën e përbashkët me klubin gjerman për shitjen përfundimtare të mesfushorit kosovar, i cili kishte zbarkuar në San Paolo në vitin 2012.

Sipas uebfaqes italiane, calciomercato.it, Hamburgu do t’ia paguajë Napoit 5 milionë euro, ndërsa rroga e lojtarit do të jetë 1,5 milion euro në sezon.

Duket se tashmë lojtari veç gjendet në Gjermani, së bashku me menaxherin e tij. Të hënën do t’i bëjë vizitat mjekësore, ndërsa më pas mund ta nënshkruajë kontratën trivjeçare. Kjo është dëshira e lojtarit.