Behrami po stërvit me klubin italian Genoa, shpreson t’i ofrohet kontratë

Futbollisti i lirë, mesfushori shqiptar Valon Behrami po stërvit me italianët e Genoas, me shpresën se do të fitojë një kontratë.

Ish-mesfushori i Napolit dhe Udineses ka qenë pa klub që nga largimi prej skuadrës zvicerane FC Sion në muajin tetor.

Tani, mediumit italian Tuttomercatoweb raporton se 34-vjeçari nga Kosova ka filluar stërvitjen me Genoan.

Behrami po stërvit me klubin nga Marassi teksa kërkon të sigurojë një marrëveshje afatshkurtër.

Ai më parë ka luajtur për klubin Rossoblu gjatë sezonit 2003-04 dhe gjithashtu ka luajtur për Lazion dhe Fiorentinën në Serie A.

Mesfushori nga Kosova ka zhvilluar 83 ndeshje për reprezentacionin e Zvicrës, ndërsa si lojtar fitoi Coppa Italia me Napolin në vitin 2014. /Telegrafi/