Behrami pjesërisht i kënaqur me vitin 2013

Mesfushori kosovar Valon Behrami ka thënë se viti 2013 ishte pozitiv për Napolin. Por ai thotë se për vitin 2014 Napoli duhet të kërkojë rezultate edhe më të mira.

“Nga këndvështrimi im ka qenë një vit i mirë për ekipin. Ne kemi përjetuar emocione të mëdha në ndeshjet e Ligës së Kampionëve këtë edicion, por ende duhet të punojmë më shumë për vitin e ardhshëm. Ne kemi provuar të jemi ekip me ambicie të mëdha ndërkombëtare dhe të ngrihemi në fazë më të lartë në Ligën e Kampionëve. Ne kemi tash Ligën e Evropës përpara vetes ku ka disa skuadra të mira. Qëllimi jonë është të arrijmë zonën e ‘Championist’ dhe të përpiqemi ta zëmë Romën e pastaj të shohim”, ka thënë Behrami në intervistën e dhënë të premten në faqen zyrtare të klubit.

Behrami 28-vjeçar me Napolin ka kontratë deri në qershor të vitit 2017. Pjesë e Napolit është edhe Blerim Xhemaili.