Behrami nuk vjen të luaj për Kosovën, por zgjedh një mënyrë tjetër për të ndihmuar

Edhe në intervistën për ‘TribunedeGeneve’, Valon Behrami nuk ka mundur t’i ikë pyetjes për pranimin e Kosovës në UEFA dhe FIFA.

Mesfushori i Watfordit është pyetur nëse do të zgjedh Përfaqësuesen e Kosovës, pasi kjo e fundit theu izolimin ndërkombëtar.

Behrami ka preferuar të ndihmojë Kosovën duke u bërë pjesë e Federatës së Futbollit të Kosovës, apo në ndonjë mënyrë tjetër, por jo si lojtar, pasi sipas tij nuk e ka moshën për ta bërë një gjë të tillë.

“Unë? Por unë kam31 vjet, dhe jam afër fundit të karrierës time ndërkombëtare. Jo, nuk mendoj se do të luaj për Kosovën. Në një rol tjetër te federata apo tek të rinjtë, ndoshta po. Unë i jam shumë falënderues Zvicrës për atë që më ka dhënë, dhe do të isha i lumtur këto njohuri t’i ofroja në Kosovë. Është shumë e rëndësishme për të ofruar perspektiv për të ardhmen”, është përgjigjur Behrami./Indeksonline/