Behrami ndihmon trajnerin nga Kosova

Valon Behrami i ka mundësuar trajnerit kosovar, Gani Sejdiu, që të përcjellë nga afër punën që bëhet në skuadrën e Udineses, aty ku luan mesfushori shqiptar.

Mesfushori shqiptar, Valon Behrami, është shumë i lidhur me vendlindje dhe gjithmonë e ka përmendur në intervistat e tij, duke qenë krenar që është nga Mitrovica.

Së fundi, Behrami i ka mundësuar trajnerit kosovar, Gani Sejdiu, që të përcjellë nga afër punën që bëhet në skuadrën e Udineses, aty ku luan mesfushori shqiptar.

Lajmin e ka konfirmuar trajneri Sejdiu, në një intervistë për “Epokën e Re”, “Jam trajner i lirë dhe nuk dëshiroj ta humbi kohën kot. Duke iu falënderuar futbollistit Valon Behrami, në mesin e muajit shkurt do të shkoj në Itali te skuadra e Udineses, ku do të qëndroj dhjetë ditë. Atje do t’i përcjell stërvitjet e këtij klubi dhe dua të pasurohem edhe me disa materiale shtesë për rolin e trajnerit”, ka thënë Sejdiu, përcjell albinfo.ch.

“Aty do t’i shoh edhe përgatitjet që i bën Udinese nga loja në lojë dhe të marrë informata më të plota për stërvitjet”, ka thënë Sejdiu.

Ai më parë ka qenë edhe te klubi i Baselit ku ka qëndruar për disa ditë për t’i parë nga afër stërvitjet e këtij klubi.

http://www.albinfo.ch/behrami-ndihmon-trajnerin-nga-kosova/