Behrami, edhe një vit me Udinesen

33-vjeçari nuk e ka ndërmend të pensionohet dhe do të luajë deri në verën e vitit 2020

Mesfushori shqiptar, Valon Behrami, nuk e ka ndërmend të pensionohet dhe pasi është bërë kapiten në Udinese, dëshiron të qëndrojë edhe një vit, shkruajnë mediat italiane.

Behrami, i cili është larguar nga Përfaqësuesja e Zvicrës, do ta vazhdojë kontratën deri në verën e vitit 2020, përcjell albinfo.ch.

Gjithnjë sipas mediave italiane, marrëveshja shumë shpejt mund të arrihet dhe më pas të bëhet zyrtarizmi.

Ai në këtë edicion është emëruar kapiten në skuadrën italiane, derisa në xhiron e kaluar u ndeshën me Bolognan, ku kapiten është futbollisti tjetër shqiptar, Blerim Xhemaili. Dy kapitenë shqiptarë në fushë, duke i ndërruar emblemat e klubeve përkatëse.

Behrami është pjesë e Udineses prej vitit të shkuar, kur u transferua nga Watfordi. Këtë edicion ka regjistruar gjashtë paraqitje në kampionatin italian.

https://www.albinfo.ch/behrami-edhe-nje-vit-me-udinesen/