Behrami dhe Xhemaili, si kapitenë, po i udhëheqin skuadrat e tyre

Valon Behrami dhe Blerim Xhemaili arritën fitore këtë xhiro në Serie A

Në Kampionatin italian paraqiten një numër i madh i futbollistëve shqiptarë, që janë kyç në skuadrat e tyre.

Valon Behrami dhe Blerim Xhemaili janë kapitenë në skuadrat e tyre, Udinese dhe Bologna, shkruan albinfo.ch.

Xhiroja e fundit ishte e suksesshme për dy futbollistët shqiptarë. Bologna shënoi fitoren e parë këtë sezon, duke mundur Romën me Xhemailin si kapiten në fushë.

Fitore shënoi edhe Udinese që në udhëtim mundi Chievon me rezultat 2:0. Udinese pas pesë javësh ndodhet në vendin e shtatë me tetë pikë.

Si Behrami, ashtu edhe Xhemaili, janë bërë kapitenë në këtë sezon. Të dy janë larguar nga Përfaqësuesja e Zvicrës.

https://www.albinfo.ch/behrami-dhe-xhemaili-si-kapitene-po-udheheqin-skuadrat-e-tyre/