Behgjet Pacolli thërret Thaçin të tërhiqet

Kryetari i Aleancës Kosova e Re, Behgjet Pacolli ka bërë thirrje ndaj liderëve të pozitës dhe të opozitës një ditë para se të bëhet zgjedhja e presidentit të vendit.

Pacolli ka kërkuar nga Thaçi që të tërhiqet nga kandidatura për president, Mustafës i ka kërkuar që të shkojë të presidentja Jahjaga për të caktuar datën e zgjedhjeve të ardhshme.

E nga liderët opozitar Ymeri, Haradinaj e Limaj ka kërkuar që nëse Mustafa e Thaçi të vepronin kështu të distancohet nga dhuna.

Ky është postimi i plotë i Pacollit:

“Po frigohem shumë që po eskalon situata dhe qytetarët janë ata që do të paguajnë. Nëse jeni burra, nëse e doni Kosovën dhe popullin e saj, veproni;

A) Hashim, tërhiqu sonte nga kandidatura dhe jepi shanse proceseve demokratike, që presidenti të zgjidhet nga qytetarët. Këtë veprim tëndin nuk do ta harrojë historia.
B) Isë, kontaktoje presidenten dhe akordohu për zgjedhjet e parakohshme. Atë minimale që ka mbetur ende, mundesh me e kthy në favor tëndin dhe të LDK-së.
C) Albin, Ramush e Fatmir; nëse Hashimi dhe Isa veprojnë, si më lart, ju lutem të respektoni veprimin e tyre dhe distancohuni nga çdo lloj dhune.

Kjo është zgjidhja civilizuese që meriton Kosova tani. Kjo zgjidhje do të mbështetet nga miqtë tanë perëndimorë”.