Bëhet regjistrimi i ish të dënuarve dhe të përndjekurve politikë

Përmes një komunikate Ambasada e Republikës së Kosovës njofton të gjithë ish të dënuarit politikë dhe të përndjekurit politikë të Kosovës që gjenden në Zvicër, se sipas Ligjit për të drejtat e ish-të dënuarve dhe të të përndjekurve politikë që ka miratuar Kuvendi i Kosovës, ka filluar regjistrimi përmes aplikacioneve (formularëve), për njohjen e statusit të tyre dhe kompensimit sipas ligjit dhe rregulloreve që burojnë nga ky ligj që tashmë është në fuqi.

Me Ligjin për të drejtat e ish-të dënuarve dhe të përndjekurve politikë rregullohet statusi i ish-të dënuarit politik, i ish-të burgosurit politik dhe i ish të përndjekurit politik: të drejtat e tyre të veçanta nga sigurimi pensional dhe invalidor, të drejtat në kompensim për dëmtimin e shkaktuar si pasojë e burgimit, e dënimit ose e persekutimit dhe të drejtat e anëtarëve të familjes së ngushtë të tyre.

Aplikacionet mund të merren drejtpërdrejt në Ambasadën e Kosovës në Bernë, në Konsullatat e Kosovës në Cyrih dhe Gjenevë.

Aplikacionet mund t’i shkarkoni online Aplikacionin për Njohjen e Statusit të të Dënuarit dhe të Përndjekurti Politik të Kosovës në portalin e Ministrisë së Drejtësisë; http://www.md-ks.org/

Aplikacionet e shkarkuara dhe të plotësuara mund t’i dërgoni në adresën e Ambasadës së Kosovës në Bernë.